Македонците се еколошки свесни?! – 31, 9 отсто го селектираат отпадот од амбалажа во нивното домаќинство

Добивај вести на Viber

Во мај и во јуни, специјализираната агенција за истражување на пазарот и јавното мислење „Брима Галуп“, по налог на компанијата „Пакомак“, спроведе истражување за да се испита јавното мислење на теми поврзани со екологија, селектирање и рециклирање на амбалажен отпад, како и на препознатливост на брендот „Пакомак“. знис сектор, население во Македонија и население во Скопје.

Истражувањето спроведено на репрезентативен примерок од 1208 испитаници покажало дека 31, 9 отсто од Македонците на некој начин го селектираат отпадот од амбалажа во нивното домаќинство, а пластика, хартија и стакло се типовите на амбалажа кои Македонците најчесто ги селектираат или сметаат дека треба да се селектираат.

Најголем број или 886 од испитаниците како проблем го навелеле фактот што нема посебни контејнери за селектирање на амбалажен отпад во радиус од 100 метри од местото каде што живеат, а најголем број од испитаниците исто така сметаат и дека бројот на контејнерите не е доволен.

Интересен податок е тоа што 66,9 отсто од испитаниците доброволно би учествувале во некоја еколошка акција организирана од нивната општина, како чистење парк, садење дрва, чистење речно корито и слично.

Испитувањето на населението од Скопје покажало дека жителите од главниот град се еколошки совесни -  61,4 проценти од граѓаните во Скопје го селектираат амбалажниот отпад во своето домаќинство, речиси двојно повеќе од националниот просек! И скопјани најмногу селектираат пластика и хартија, а би селектирале и стакло како амбалажен отпад кој не сакаатда заврши на депонија туку повторно да се преработи.