Македонија ја очекува невреме
Објавено во: Македонија 06 Септември, 2019
На повеќе места утре ќе биде нестабилно со повремено пороен дожд и грмежи. На северот и истокот процесите ќе бидат поинтензивни во форма на невреме со пороен дожд, засилен ветер и услови за појава на град.
Од претпладне времето ќе биде со зголемена облачност и со повремен дожд и ретки грмежи. Попладне времето ќе биде облачно со поинтензивни врнежи од дожд, грмежи и засилен ветер.
Во недела и понеделник нестабилноста ќе се намали, а во планинските региони ќе има услови за појава на краткотраен дожд.
Во наредните денови температурите ќе бидат до 32 и 33 степени.