МАКСИМ ДИМИТРИЕВСКИ ГИ НАРЕЧЕ ПОСТИЗБОРЕН ПОПУЛИЗАМ НАЈАВИТЕ ЗА АЛБАНСКА АКАДЕМИЈА - науката не смее да се етницира
Објавено во: Македонија 28 Јули, 2024
Науката не смее да се политизира, ниту пак да се етницира. Tаа има своја генеза и континуитет, порача лидерот на ЗНАМ, Максим Димитриевски по најавата на претставници од коалицијата „Вреди“ за отпочнување на процес за институционализирање на Академија на Албанците на наука и уметнист во Македонија. Според Димитриевски, таквите идеи се резултат на постизборен популизам.
„Во Македонија постои МАНУ, како една и единствена Академија која им припаѓа на сите и никаков паралелизам не е дозволен. Партнерите во власта од „Вреди“ е потребно да се свртат кон економски раст и развој на државата, подобар живот на сите граѓани на Македонија и суштинска заложба во сузбивање на криминалот и корупцијата, вклучувајќи ја и политичката корупција.
За тоа е потребна и понуда на кадри со чисто минато без криминал и опашки“, се вели во реакцијата на Димитриевски.