Меѓународен притисок врз Иванов, поддршка од демонстрантите - Кој ќе попушти?
Објавено во: Македонија 01 Април, 2017 07:00
Додека речиси целата меѓународна заедница со која Македонија има директни дипломатски врски му посочува на претседателот Иванов повторно да размисли за доделувањето на мандатот и да овозможи формирање на влада претставена од новото парламентарно мнозинство, од протестите на улиците стигнуваат сосема спротивни пораки.
Демонстрантите од „За заедничка Македонија“ велат дека народот стои зад претседателот Иванов и со нивна поддршка тој нема потреба воопшто ни да размислува за промена на одлуката со која спречува да се примени Тиранската платформа како услов кон СДСМ од албанските партии за формирање влада.
Иванов не го предомислуваат ниту јавните изјави на функционери на ДУИ кои сега и на собраниските говорници рекоа дека немаат никакви намери за бинационална држава, кантонизација или федерализација, туку сакаат само унапредување на етничките права и рамноправност со нови решенија кои ќе бидат во рамките на Уставот.
Исто така и пратениците на СДСМ велат дека владината програма веќе е презентирана, дел од барањата на албанските партии за унапредување на службената употреба на албанскиот јазик во државните институции се прифатени, но немаат никаква намера да менуваат државни симболи, ниту пак да задираат во Уставот.
Следи викенд во кој треба да се смират политичките страсти и веќе од понеделник со нова рунда на силен домашен и меѓународен притисок ќе се направи обид да се деблокираат државните институции.
Автор: Христијан Станоевиќ
Можеби ќе ве интересира
Поднесено обвинение пртив Сашко Јанчев, пратеникот на Левица, за сообраќајка со смртни последици
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
