Мендух Тачи без завршни зборови пред одлуката за „Титаник 2“
Објавено во: Македонија 19 Февруари, 2019
Адвокатот на обвинетите Мендух Тачи како претседател на ДПА и Бедредин Ибраими како член на ДИК, Елвер Исени, на завршните зборови во судскиот процес во случајот на СЈО "Титаник 2" побара ослободителни одлуки за неговите клиенти.
Мендух Тачи не го кажа завршниот збор и рече дека се согласува со она што го навел неговиот адвокат. Исени изјави дека обвинението на СЈО нема важност, повикувајќи се на фамозното мислење на Врховен суд за истекот на рокот на ова обвинителство.
Во "Титаник 2" се обвинети лидерот на ДПА, Мендух Тачи, поранешен директор на УБК , Сашо Мијалков и поранешни членови на ДИК Бедредин Ибраими, Анета Стефановска Влатко Сајковски и Сашо Срцев.
Според СЈО, Мијалков како директор на УБК и член на Извршниот комитет на ВМРО-ДПМНЕ го искористи своето влијание и делувал преку Тачи на Државната изборнса комисија да ги усвои жалбите за реизбор во три избирачки места во Струмица на локалните избори 2013 година.