Мицкоски: Ахмети и понатаму им пркоси на законите и Уставот
Објавено во: Македонија 18 Март, 2018
Претседателот на ВМРО-ДПМНЕ, Христијан Мицкоски вели дека еднонационалната агенда е приоритет на лидерот на ДУИ, Али Ахмети.
Според него, Ахмети и понатаму им пркоси на законите и Уставот на Република Македонија.
„Се гледа дека еднонационалната агенда е негов приоритет. Не се приоритет реформите кои што ќе значат квалитет во животот на сите граѓани во Македонија. Продолжува со насилничкото однесување. Продолжува да ја наплаќа концесијата која што Зоран Заев ја има кон Ахмети, а тоа е резултат на ова 10 месечно катастрофално владеење во Република Македонија. Како човек како интелектуалец, се разбира насилство и закани не можам да оправдам. Ниту ова го оправдувам, се разбирам. Ме чуди како не можат некои луѓе да се стават над ситуацијата и да ги гледаат интересите на сите граѓани во оваа држава, на сметка на интересите на една нација. Со еден збор, трагично е тоа што го слушам“ – рече Мицкоски.
Во пресрет на најавените протести лидерот на ВМРО-ДПМНЕ од утре се враќа на терен. Мицкоски денеска на прес конференција рече дека местото на неговата партија е меѓу народот изразувајќи подготвеност на сите граѓани и лично да им ги објасни последниците од како што вели, штетното владеење на СДСМ.