Миле Јанакиески денеска не дојде на рочиште
Објавено во: Македонија 11 Јули, 2019
Поранешниот министер за транспорт и врски Миле Јанакиески денеска не беше донесен од истражниот затвор Шутка на судското рочиште за предметот „Топлик“ на СЈО
Покрај Јанакиески, не присуствуваше ниту Димитар Димовски, како и судија поротник, по што истото беше одложено за 6 септември.
Судијата Осман Шабани рече дека судот не добил информација зошто не се реализирани барањата за спровод на обвинетите, односно дали Јанакиески не е доведен поради однапред позната инфорација дека ќе отсуствува судија поротник.
Јанакиески во моментов штрајкува со глад и прима терапија во притвор, откако пред два дена побарал да биде одведен во градската болница „8 Септември“ поради пад на општата здравствена состојба.
Јанакиески е осомничен за продажба на државно земјиште за изградба на комплексот „Сончев град“ во „Топлик“, а во притвор се наоѓа поради неодговорност при продажба на државно градежно земјиште на кејот на Вардар и на местото наменето за Шпански скали во Скопје.