Милионите и алчноста на семејството Ердоган
Објавено во: Балкан 20 Јули, 2016
Сопругата на турскиот претседател Реџеп Таип Ердоган, Емине Ердоган се фали дека води едноставен и скромен живот, строго се придржува кон муслиманските вредности, не излегува од кујната, не фрла ниту грам храна и го штеди секој денар.
Но, за 60-годишната Емине Ердоган нема ништо попријатно од тоа да се расфрла со пари, пишува британскиот весник „Дејли мејл". Додека претседателот, изградил свој дворец во Анкара, и трупа милиони евра, неговата жена редовно прави шопинг терапија низ Европа, тврди весникот.
Додека една четвртина од народот живее со 3,5 евра на ден, сопругата на Ердоган пие само бел чај кој чини 1800 евра по килограм.
Таа иако е возрасна и е мајка на четири деца, не се откажува од брендирана облека и чанти.
Лани во Брисел купила облека за 2000 евра, а скоро во Варшава потроши 45.000 евра за антиквитети.
Во домот ќилимите им чинат 8,5 милиони евра, а само за врати потрошиле 31 милиони евра.