Милошоски: Другарката на Боки Тредичи, Дескоска да поднесе оставка
Објавено во: Македонија 27 Август, 2019
Пратеникот од ВМРО-ДПМНЕ Антонио Милошоски побара денеска оставка од министерката за правда Рената Дескоска со образложение дека во нејзин мандат се случува еден од најголемите политички и судски скандал. Милошоски смета дека власта сака на сила да ги донесе измените на законот за обвинителство. Претходно Собранието ја усвои потребата од носење на законот во скартена постапка. Дескоска му одговори на Милошоски, но кажа и дека има План Б ако нема двотретинско мнозинство за носење на законот.
„Бараме од другарката на Боки Tредичи, Рената Дескоска, да си поднесе оставка зашто во нејзин мандат има најголем политички и судски скандал. Повторно се злоупотребува ЕУ знамето, вели Милошоски.
Еднаш Милошоски ми посака да не ме реконструираат и тоа беше застрашувачка порака, така што сега, штом ми бара оставка, за мене е комплимент, врати Дескоска.
„Јас не робувам на партиски интереси, не сум нивен сервис, вели таа.
Инаку обелодени дека во случај да не се обезбедат 80 пратеници за донесување на Законот за јавно обвинителство, со кој се решава и судбината на СЈО, тоа ќе се решава преку измени на законот за совет на обвинители кој се носи со 61 глас.
„Во случај да не се најде мнозинство за Законот за јавно обвинителство, сите предмети на Специјалното јавно обвинителство ќе ги преземе и ќе ги продолжи друго јавно обвинителство. Или, со измена на Законот за Совет на јавни обвинители, кој се носи со обично мнозинство, ќе се најде решение за функционирање на Специјалното обвинителство“, рече во Собранието министерката за правда Рената Дескоска.