Министерот Чулев изгуби спор против Владата
Објавено во: Македонија 07 Јули, 2020
Управниот суд ја отфрли тужбата на министерот Наќе Чулев против Владата во која тој тврдеше дека е повредена постапката при разрешувањето на Амир Далип од позицијата началник на Секотр за внатрешни работи.
„Владата, како тужена страна, го доби решението од Управниот суд со кое тужбата на тужителот Министерство за внатрешни работи, застапувано од министерот Наќе Чулев, поднесена за наводна повреда на административните процедури при донесување на Одлуката на Владата за поништување на решение за разрешување на Амир Далип од позицијата началник на Сектор за внатрешни работи – Тетово и за именување на дополнителен заменик началник на СВР-Тетово, се отфрла и постапката на министерот за разрешување и именување се оценува како незаконита, стои во соопштението од Владата
Според образложението на судскиот совет, Управниот Суд, имајќи го предвид членот 2 од одлуката на Владата, согласно член 48, став 2, од Законот за Влада, во кој се определува постапка во случај на сомневање од можно незаконско постапување од страна на министерот, најде дека тужбата на министерот Чулев е беспредметна.