Министерство за финансии: На крајот на вториот квартал државниот и јавниот долг се намалени во однос претходниот квартал

Добивај вести на Viber

Од Министерството за финансии доставија  графици на кои е прикажано движењето на јавниот и државниот долг на Република Македонија. 

Министерството за финансии постојано ја известува јавноста за состојбата на државниот и јавниот долг, вели министерот Драган Тевдовски. Додава дека графиконите јасно покажуваат дека на крајот на вториот квартал државниот и јавниот долг се намалени во однос претходниот квартал. 

„Повеќе од очигледен е брзиот раст на долгот во периодот од 2008 до 2016 година. Овие натрупани долгови создаваат потреба за успешно управување со долгот. Во моментов, Министерството за финансии позајмува по пониски каматни стапки, кои се движат помеѓу 1,5% за 6 месечни државни записи и 3,8% за 15 годишна државна обврзница. За споредба, вратениот странски кредит имаше каматна стапка од 6,5%. Важно е и што е намален бројот на аукции на хартии на вредност на две во месецот, од поранешните три или четири аукции. Секако кога се зборува за задолжување, за мене е најважно каде ќе се употребуваат парите“ - вели Тевдовски. 

Додваа  дека наместо непродуктивни трошења на луѓето на власт ќе настојуваат парите да се трошат за поддршка на граѓаните и економијата.

Раздолжувањето во изминатите два месеца е за 30 милиони евра поголемо од задолжувањето.