Министерството за правда ги отфрли препораките за клубот „Иван Михајлов“

Добивај вести на Viber

Министерството за правда ја отфрли препораката на Комисијата за заштита и спречување на дискриминација дека треба да се преиспита името, статутот и програмата на бугарскиот културен клув „Иван Михајлов“ како здружение. Од министерството велат дека во овој случај немаат надлежност.

- Министерството за правда нема дадено согласност за употреба на името ,,Иван Михајлов”. Во однос на постапката за регистрација на здружението,,Иван Михајлов‘‘, до Министерството за правда на ден 27.02.2019 година доставено е барање за давање на согласност за регистрација во Централен регистар. Министерството за правда со допис од 05.03.2019 година достави одговор на барањето со кое се известува подносителот дека согласно член 9 став (1) од Законот за здруженија и фондации  Министерството за правда издава одобрение за употреба на зборот ‘‘Македонија‘‘.

Од таму додаваат дека не постои регистар на историски личности или било кој друг документ со кој може да се утврди статусот на историската личност, и дека министерството не е тоа кое издало одобрение за употреба на името ,,Иван Михајлов‘‘ во името на здружението. 

- Известувањето дека не може да се даде согласност, значи дека нема одобрение од страна на Министерството за правда, се правдаат од Министерството.