Министрите за надворешни работи ќе разговараат за иднината на ЕУ
Објавено во: Свет 27 Декември, 2015
Министрите за надворешни работи на шесте земји - основачи на обединета Европа (Белгија, Германија, Италија, Луксембург, Холандија и Франција) ќе се соберат на состанок на 19 јануари во Рим. На него ќе се дискутира за иднината на Унијата, изјавил италијанскиот министер за надворешни работи Паоло Джентилони во интервју за весникот „Република“, цитиран од агенциите.
„Сакаме да разговараме како најдобро да одиме напред со се поголемо единство и истовремено со тоа побрзо“, изјавил Джентилони.
Италијанската влада работи за зајакнување на европизмот, кој треба да ги исполнува очекувањата на граѓаните. „Постои опасност од безкомпромисниот начин на кој понекогаш се дискутира за прашањата поврзани со економската политика, и не само тие, може да и нанесат штета на Европската унија“, додал Паоло Джентилони.