Мирот нема цена, но колку ја чини војната Украина месечно?

Добивај вести на Viber

Достапни, корисни, но неофицијални податоци покажуваат дека украинскиот воен „цех“ месечно јаде околу 9 милијарди евра, а дека на земјата и се неопходни околу 4 милијарди евра да за обезбеди минимални услови за сместување, храна, основна медицинска нега за раселените, протераните и за лицата кои ги изгубија своите работни места заради воениот конфликт кој на украинска територија беснее повеќе од 200 дена. Држаните приходи се 40 отсто од планираните, а дури 60 отсто од тоа одат на воени трошоци. За овие 6 месеци војната изгоре и околу 18 милијарди евра странска помош во пари за украинската страна. А украинскиот министер на финансии изјави дека и покрај државниот буџет и странската помош воените трошоци бараат до 5 милијарди евра месечно...

Војната во Украина, која агресорот Русија ја нарекува специјална операција, трае седум месеци или повеќе од 200 дена. На Украина и е нанесена голема материјална штета врз комплетната инфраструктура, а изгубени се и неколку илјади животи што е непроценлива загуба. Има раселени лица, мртви населени места и градови. Војната, многупати досега, се потврдила како најголемата човечка деструкција која всушност се сведува на самоуништување за која нема трајно решение и многу често се повторува.

Настрана од овие ненадоместливи човечки загуби и штети, колку во материјални средства чини војната во Украина?

Има различни извори, бројни податоци од кои најголем дел се парафрази и се тешко проверливи. Очигледно е дека украинскиот народ како и државјаните на Украина со руска националност се и ќе бидат најголеми жртви на ова воено лудило чиј крај, за жал, не се гледа.

Украинскиот министер за финансии Сергеј Марченко, на една меѓународна конференција во Германија, кажа дека на Украина месечно и недостигаат 5 милијарди долари и тоа за воени потреби. Дополнително на ова на Украина и требаат месечно до 4 милијарди долари со кои треба да ги ублажи економските последици врз раселените, ранетите и лицата кои останале без работа и приходи. Оваа изјава ја даде во контекст на прашањето за странската парична помош за Украина која изнесува 18 милијарди долари за 6 месеци што во просек значи дотации за покривање на буџетската дупка во износ од 3 милијарди долари просечно месечно од почетокот на воените дејствија до сега.

Во контекст на ова, има достапни податоци дека Украина успеава да прибере само 40 отсто од планираните даночни приходи за периодот од почетокот на воените дејствија до сега. Ако приходната страна на буџетот за годинава била проектирана на околу 36 милиони евра тоа значи дека до сега неговата реализација е околу 14 милијарди евра. Според истите податоци, кои не се официјални, за воени потреби Украина троши 60 отсто од прибраните даночни приходи што значи над 8 милијарди евра или повеќе од една милијарда евра просечно месечно.

Доколку може да се користат овие податоци, а други официјални нема и нормално е да нема во воени услови, излегува дека еден месец војување Украина ја чини околу 9 милијарди евра.

Заради тоа и државниот врв на Украина отворено бара помош од западните земји, па дури и не се воздржува да има дава критики на западните лидери дека изостанува потребата, веројатно билатерално ветувана и неопходна помош.

Веројатно и како една од мерките лидерите на западните земји ги убедуваа приватните кредитори да ги репрограмираат долговите на Украина и успеаја да добијат замрзнување на враќањата и грејс период за идните отплати на стари обврски. Неофицијален извор укажува дека речиси две третини од државниот долг на Украина е репрограмиран и дека во овие околности, да запре војната утре и да се случи мир на Украина би и требале 50 години да ги врати своите долгови кон странските кредитори.

Колква е буџетот на Украина за идната година?

Според достапни податоци расположливи на овој линк Cabinet of Ministers of Ukraine - Government approved Draft State Budget of Ukraine for 2023

Од друга страна пак Светска банка прогнозира дека на Украина во период до три години од сега би и биле неопходни повеќе од 100 милијарди евра за да успее да ја врати својата економија во нормален тек.

Минималната плата во Украина за идната година е проектирана на 250 евра.

Р.Ф.

Фото: EPA/ OLEG PETRASYUK