Митко Јанчев: Сега сум побезбеден
Објавено во: Македонија 04 Ноември, 2018
Митко Јанчев, градоначалникот на Кавадарци, за „Фокус“ изјави дека се чувствува побезбедно за разлика од деновите кога беше разрешен од потпретседателската функција во ВМРО-ДПМНЕ и гласањето на пратеничката група за уставни измени на собраниската седница на 19 октомври.
Тој, неговата сопруга Веселка и трите деца Никола, Стојанче и Мила се движат слободно низ градот без обезбедување и полициски патроли.
Вели дека неговото семејство започнало да се смирува по заканите по живот, упатени кон него и неговата сопруга Веселка, пред неколку дена.
-Сите дома сме потсмирени сега. Сопругата и децата се движат слободно низ градот, немаме обезбедување, излегуваат заедно со мене, кога имам слободно време – вели Јанчев.
Јанчев изјави дека е задоволен од ангажираноста на МВР, од каде претходно беше најавено дека ќе се превземат мерки за обезбедување на сите лица кои се чувствуваат загрозени по низата настани во ВМРО-ДПМНЕ и Собранието.