МЛАДИОТ ЈУГОСЛАВ ПОЧИНА ОД КОВИД - пред само неколку часа бараше помош од добронамерните луѓе за да се лекува во приватна клиника

Добивај вести на Viber

Југослав Николиќ, кој бараше помош односно донации за да  може да се лекува на приватна клиника, починал од последиците на ковид 19. 

Тоа токму сега беше објавено на неговиот фејсбук профил, до сите добронамерни луѓе, да не донираат повеќе средства, а на оние што донирале, ќе им бидат вратени парите.

„Југослав почина од последица на Ковид 19. Ве молиме не уплаќајте повеќе средства, а претходно уплатените средства во полн износ ќе ви бидат вратени по завршување на оставинската постапка. Бог да го прости“, стои во постот на фејсбук, кој веројатно го објавил некој од блиските на Југослав.  

А само пред 20 часа, Југослав на истиот фејсбук профил побара помош од граѓаните. 

Се борам за секој нареден здив, вода пијам голтка по голтка со многу вложен труд и болка бидејќи грлото ми е во рани од кашлица и исплукување крв. Клиниката е преплавена со заболени, лекарите и сестрите борци се борат како последните упорни херои, жртви на воен фронт.

Секој ден се плашам дека можеби ова е мојот последен ден на овој мил свет. Моите сестри веќе заминаа од светот на живите, а јас секој миг се плашам дека мајка ми ќе остане и без последното чедо кое што не успеа да остави ни внуци позади себеси.

Сметам дека клиниката неможе да ми ги пружи идеалните услови за мојот организам ги има сите шанси за борба па одлучив да Ви се обратам Вам за помош. Хуманитарните луѓе од млекара Бучен Козјак веќе помогнаа со голем дел од средствата кои ми се потребни да се лекувам на приватна клиника каде што сметам дека медицинскиот тим може да ми пружи подобри шанси за живот, но ми недостасуваат уште 9000 евра за да примам озонска терапија и крвна плазма и да ја продолжам борбата со нови сили.

Ве молам сите што сте во можност и на кои нема да можам можеби и никогаш да Ви се одолжам, доколку можете, да ми донирате средства на следните сметки“, стоеше на профилот и беа наведени сметките.