МОДЕРНО РОПСТВО: За 500 евра работат по 16 часа дневно
Објавено во: Балкан 12 Јули, 2016
Голем број невработени Хрвати заминуваат во земјите од ЕУ на работа, наместо да рaботат на Јадранот.
Затоа на Хрватска и недостига работна сила. Работа на Јадранот се помалку ги интересира Хрватите и покрај невработеноста.
За хрватските државјани се отвори европскиот пазар. Како што пишува Слободна Далмација луѓето работат на Јадранот од 12 до 16 часа, а земаат плата најмногу 530 евра и при тоа немаат ниту еден ден слободен во неделата.
Дел од луѓето кои работат на приморје се од Славонија, а многу граѓани од овој дел заминаа и во ЕУ. Таму каде што нема синдикати, работодавците не ги почитуваат законите и ги искористуваат сезонците.
Се склучуваат договори за работа на месец дена, а ако се побунат работниците, договорот не им се продолжува. При тоа многу од нив имаат и проблем со правото на годишен одмор. Во однос на сместувањето ситуацијата е шаренолика.
Нето платата во просек е од 3500 до 4500 куни, но тоа би требало да биде плата за нормално работно време. Сепак, се работи многу повеќе од 8 часа дневно.