Могерини: На нашите граѓани и на светот им е потребна силна ЕУ
Објавено во: Свет 26 Јуни, 2016
Високата претставничка за надворешна политика и за безбедност на Европската Унија, Федерика Могерини, денеска на земјите-членки им ја испрати новата глобална стратегија на ЕУ за надворешна политика и за безбедност.
Могерини ќе ја претстави стратегијата на самитот на ЕУ, кој ќе се одржи оваа недела во Брисел. Стратегијата подготвена и елаборирана од Могерини нуди стратешка визија за глобалната улога на ЕУ.
„На нашите граѓани и на светот им е потребна силна ЕУ како никогаш досега. Во овие времиња полни со предизвици, силната Унија е таа која размислува стратешки, ја дели визијата и дејствува во заедништво. Тоа е уште повистинито по британскиот референдум. Ние навистина ќе мораме да го преиспитаме начинот на кој работи нашата Унија, но ние точно знаеме на што треба да работиме. Ние знаеме кои се нашите принципи, нашите интереси и нашите приоритети. Ова не е време за неизвесност - на нашата Унија ѝ е потребна стратегија. Потребна ни е заедничка визија и заедничка акција“ - објаснува Могерини.
Целта, дури и постоењето на нашата Унија се доведени во прашање, додава Могерини.