Молк од институциите за богатството на владејачката партија
Објавено во: Македонија 30 Септември, 2016
Се уште молк од надлежните институции во однос на прашањата дали ќе се истражи потеклото на парите со кои партијата на екс премиерот Никола Груевски купува имот.
Без одговор и од Државната комисијата за спречување на корупција како и Јавното обвинителство .
Пред два дена центарот за истражувачко новинарство-Скуп објави документарец во кое тврдат дека ВМРО-ДПМНЕ е една од најбогатите политички партии на ниво на Европа.
Според истражувањето партијата поседува 93 имотни листови во кои е запишана вкупна површина поголема од 33.000 метри квадратни додеа вкупната вредност на имотот на ВМРО-ДПМНЕ се проценува на околу 60 милиони евра.
Ниту самата партија не одговара на овие тврдења, со колкав имот располагаат, додека директорот на Центарот за комуникации на партијата на Никола Груевски го повторил ставот дека целиот имот го стекнале на легален начин, за разлика од СДСМ кој имотот што го поседува го украл од граѓаните.
Само за споредба, Христијанско Демократската Унија на Ангела Меркел во Германија поседува имот од 50 милиони евра, додека Лабуристичката и Конзервативната партија во Велика Британија заедно, не поседуваат поголем имот од 20 милиони фунти.
Целиот документарец од истражувањето можете да го погледнете на следниов линк.
Можеби ќе ве интересира
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
„ВРЕДИ“ НА СРЕДБА СО КУРТИ: Загрижувачко е руското и српското влијание
ЦУК ЗА СОСТОЈБАТА ВО ОХРИД: Има поплавени подруми и гаража
ПАТУВА ВО РИМ: Претседателката Силјановска Давкова ќе се сретне со Папата и со Серџо Матарела
