Молк во кабинетот на Иванов, каков план се подготвува?
Објавено во: Македонија 11 Април, 2019
Цела недела откако неговиот кабинет потврди дека се примени барања за амнестирање на осудените од 25 април, претседателот Ѓорѓе Иванов не дава одговори за медиумите какви се неговите панови за евентуално помилување,
Засега присутни во јавноста се само толкувањата на експертите дека шефот на државата нема право да амнестира за кривични дела против безбедноста на државата, став кој го делат и владини и судски претставници, кои тврдат дека Иванов во овој случај се соочува со одговорност ако посегне по такво нешто.
Други пак велат дека Иванов може да се повика на решението од Уставен суд кое вели дека на претседателот му биле скратени правата и можел да бара помилувања.
Иванов во април 2016 година донесе одлука за амнестија на 56 политичари и бизнисмени меѓу нив и високи претставници на ВМРО ДПМНЕ и на СДСМ, еден месец подоцна собранието го дополни законот за помилување со членот 11 – а. Седум дена потоа Иванов за дел од нив амнестијата ја повлече. Членот на кој се повикуваат експертите со став дека Иванов може да помилува гласи:
Досега не се објавени имињата на оние кои бараат помилување. Во јавноста се шпекулира дека амнестија бараат поранешните началници Митко Чавков и Владимир Атанасовски, но и поранешните функционери како Никоа Груевски, Трајко Вељановски, Миле Јанакиески и Спиро Ристовски.