Москва и Вашингтон на работ на трговска војна

Добивај вести на Viber

Москва и Вашингтон се на прагот на трговски конфликт поради одлуката на Русија да го забрани увозот на месо од САД. Руските санитарни власти објавија дека ќе го забранат увозот на свинско и говедско месо од САД, ако тоа содржи рактопамин-додаток во исхраната кој користи во сточарството за зголемување на мускулната маса, а е забранетат во Русија.Се смета дека додатокот може да биде опасен за човековото здравје и веќе е забранет во 160 земји, потсетуваат руските медиуми. Според официјалното соопштение од САД , активностите на Москва се во спротивност со обврските кои Русија ги превземала како земја-членка на Светската трговска организација. Вашингтон побара да биде укината забраната, бидејќи не е можно производителите да се прилагодат брзо на новите барања. Русија е на шестото место меѓу увозниците на американско месо и засега надлежните органи во земјата не коментираат дали мерките ќе доведат до недостаток на оваа стока на пазарот. Трговскиот конфликт доби и политички конотации, откако експерти од Американската федерација за извоз на месо ја обвинија Русија дека воведува нови барања како одговор на прифатениот од Конгресот на САД т.н. „акт Магнитски“. Со овој закон се предвидуваат санкции против руските чиновници, вмешани во смртта на адвокатот Сергеј Магнитски, кој разоткри злоупотреба на државни средства.