Можеме ли да сметаме на грчка поддршка за евроинтеграциите?
Објавено во: Македонија 28 Август, 2019
Процесот на европски интеграции на земјите од Западниот Балкан претставува стратешки приоритет на Република Грција, вели алтернативниот грчки министер за надворешни работи задолжен за европски прашања, Милтиадис Варвициотис.
Тој со писмо упатено до вицепремиерот Бујар Османи најави поддршка за европските интеграции на земјава.
„Во таа насока, ние го поддржуваме и процесот на европска интеграција на Република Северна Македонија, во согласност со предвидените услови и на основа на сопствените заслуги, за што целосната имплементација на Преспанскиот договор претставува императив“, пишува Варвициотис.
Од кабинетот на Османи информираа дека во писмото се најавува и билатерална средба меѓу претставниците задолжени за европски прашања на двете земји.