МПЦ се сомнева во пописот: Ги попишувале како христијани, но не и како православни

Добивај вести на Viber

Светиот Архијерејски Синод на Македонската Православна Црква – Охридска Архиепископија (САС на МПЦ-ОА), изрази сомневање во резултатот од пописот во делот за религиозната припадност каде сметаат дека постои сериозна статистичка грешка која опфаќа 13,4 отсто од населението.

Како што се наведува во соопштението од МПЦ-ОА, според применетата методологија во графата „религиска припадност“, верниците се изјаснувале како христијани, но не им било дополнително предочено дека може да се изјаснат дополнително како православни во подгрупа.

- Ова ги прави презентираните резултати конфузни, а со тоа и неточни, затоа што очигледно не ја одразуваат реалната состојба на верска припадност во земјата. Во оваа насока, пак, останува неодговорено прашањето зошто вероисповедта како опција не е дадена само кај една од религиите присутни во македонското општество, а очигледно е дека и таму постои варијантност?! Следствено, САС смета дека постои проблем не само во методологијата, туку можеби и некои од попишувачите недоволно ги упатувале граѓаните во можностите за изјаснување, а очигледно е дека опциите постоеле?!, стои во соопштението.

Според пописните резултати што ги објави неделава Државниот завод за статистика, во однос на религиската припадност 46.14 % од резидентоното население во земјава или 847 390 лица се изјасниле како православни, 6 746 (0.37%) како католици, а 243.579 (13,21%) се издвоени во посебна група како „христијани“