МУ ЈА НАВРЕДИЛ СОПРУГАТА - еве зошто настана масовната тепачка во Прилеп во која еден човек е убиен, а еден тешко повреден

Добивај вести на Viber

Полицијата соопшти дека го расчистила убиството што вчера се случи во Прилеп, по масовна тепачка која се случила. 

МВР информира дека во притвор се шест лица, против кои се поднесени кривични пријави за овој настан, под основано сомбнение дека сториле кривично дело убиство.  

„Надворешната канцеларија за криминалистички работи - ОВР Прилеп на 15.10.2020 поднесе кривична пријава против Ш.А. (35), М.Л. (39), С.К. (20), М.А.(26), Џ.Л.(54), С.А. (23) поради основано сомнение дека сториле кривично дело „убиство“, предвидено и казниво по чл. 123 ст.1 од Кривичниот законик на Република Северна Македонија и кривично дело „тешка телесна повреда“ по чл. 131 од КЗ“, соопшти Полицијата. 

Според МВР, на 14.10.2020 околу 20.30 часот на ул. Дебарца во близина на куќата на А.С. најнапред настанала расправија меѓу С.Б. и М.Л. поради навреди упатени од М.Л. кон сопругата на С.Б., по што се приклучиле и Е.Б., брат на С.Б., како и роднините на М.Л. (С.А., М.А., С.А., Д.А.Џ.Л. и С.К.). Притоа со повреди од остар предмет се здобил Е.Б. (31) и бил пренесен во градската болница. Потоа неговиот брат С.Т. ги известил роднините Т.Б., А.Б., Е.Б. и А.Б., по што пред куќата на Џ.Л. настанала физичка пресметка, при што Т.Б. се здобил со повреди на главата, од кои набрзо починал. По преземени мерки од полициски службеници, биле приведени  Ш.А. (35), М.Л. (39), С.К. (20), М.А.(26), Џ.Л.(54), С.А. (23), а судија на претходна постапка им одредил мерка притвор“, соопшто Полицијата.

Фактор веќе пишуваше за овој настан.