На Антонио Милошоски не му се доволни три деца
Објавено во: Стил 28 Јули, 2018
Пратеникот од редовите на ВМРО-ДПМНЕ, Антонио Милошоски по четврти пат ќе стане татко. Тој и сопругата Симона чекаат ќерка.
- Прекрасна вест, за радосна година:
пак сме трудни :), Давид, Дариа и Михаела ќе добијат уште една сестричка, а мама и тато уште една принцеза, здравје Боже околу Нова Година!
Пожелувам на секого, повеќе веселби, за мекици и роденденски торти!, објави на ФБ поранешниот министер за надворешни работи.
Пред две недели, пратеникот ги почестил со благо своите колеги пратеници во Собранието, заради радосната вест и бременоста на неговата сопруга Симона. Антонио Милошоски за „Репортер“ потврдил дека по четврти пат ќе стане татко.
-Да, вистина е. Дома многу се радуваме што ни се случи посакуваната бременост. Давид, Дариа и Михаела ќе добијат уште една сестричка. Повеќе деца, повеќе среќа – рекол Милошоски.
Синот Давид има 10 години, помалата сестра Дариа 2 години, а засега најмалата, Михаела има 9 месеци. Третата ќерка Антонио и Симона ја очекуваат околу Нова година.