На кое ниво се свеста и безбедноста на возачите ако во Скопје за 24 часа имало 9 сообраќајки?
Објавено во: Македонија 05 Април, 2018
За 24 часа во Скопје се случиле девет сообраќајки. Во нив шест лица се здобиле со лесни телесни повреди. Регистрирани се пет сообраќајки со материјална штета. Сообраќајната полиција исклучила 18 возачи од сообраќај. Шест од нив биле возачи почетници, а 12 се исклучени пред да се стекнат со право на управување моторно возило. Од сообраќај биле исклучени и 16 нерегистрирани возила.
Во изминатите 24 часа непрописно биле паркирани 97 возила, а 68 се подигнати со специјалното возило „пајак".
Четири возачи поминале на црвено светло, шест возачи не дале првенство на минување на пешаци, еден неправилно се престроил, а двајца неправилно престигнувале.
Одделението за Превенција при СВР Скопје денеска ќе реализира едукативни работилници со учениците од второ и четврто одделение во ООУ „Братство" во општина Карпош, во рамките на сообраќајно-воспитниот проект „Да ги заштитиме децата во сообраќајот".