На локалните избори во Грција само 40 отсто излезност, победи и внукот од „династијата“ Мицотакис

Добивај вести на Viber

Десничарската опозициска партија Нова демократија (НД) ги освои градоначалнички места во неделата во Атина и Солун во Грција и во речиси сите провинции, потврдувајќи убедлива победа над левата опција на премиерот Алексис Ципрас на локалните избори.

Иако не излегоа 60 отсто од гласачите, аналитичарите проценуваат јасна предност на конзервативците на пет недели од предвремените парламентарни избори на 7-ми јули.

Во Атина, 41-годишниот Костас Бакојани, победи со 65 отсто од гласовите, според резултатите по пребројувањето на 99 отсто од избирачките места. Бакојани е член на третата генерација на грчката политичка династија Мицотакис и е син на Доре Бакојани, првата жена што беше избрана за градоначалник на Атина во 2003 година. Тој наедно е внук на поранешниот премиер Константин Мицотакис (1990 - 1993, десно), и внук од сестра на сегашниот претседател на Нова демократија, Киријакос Мицотакис, главниот ривал на Алексис Ципрас на претстојните парламентарни избори.

Костас Бакојани вети пред толпата во главниот штаб во центарот на Атина дека ќе "работи 24 часа на ден за сите Атињани".

НД на европските избори пред една неделапобеди над СИРИЗА со 9,3 процентни поени, што беше "неочекувана" победа според Ципрас, кој веднаш најави парламентарни избори, три месеци порано од предвиденото.

Поразот на левоориентираните на европските и локалните избори се одржува по четиригодишниот мандат на Алексис Ципрас и излегувањето на земјата од програмата за финансиска помош во август минатата година.