Над 1 милион бегалци влегле во ЕУ во 2015 година

Добивај вести на Viber

Во 2015 година во Европската унија бројот на бегалците и мигрантите, кои пристигнале по копно и море, надминува 1 милион лица, соопштија од Меѓународната организација за миграција, пренесе Reuters.

Бројноста во последната година е четири пати поголема од минатата година, забележуваат американските медиуми. Половина од нив се Сиријци кои бегаат од војната, околу 20% - Авганистанци, а околу 7% - Ирачани.

До 21 декември во шест земји од Унијата (Бугарија, Грција, Италија, Шпанија, Малта и Кипар) пристигнале 1 005 504 мигранти, а голем дел од нив (816 752), пристигнале по море во Грција. Околу 3700 се удавиле, обидувајќи се да го преминат Средоземното Море.

Ова е најтешката бегалска криза за Европа од Втората светска војна.

Оваа година само во Германија влегле околу 1 милион лица, но бројката вклучува и многу луѓе од балканските земји, кои пристигнале порано во текот на годината. Меѓу бегалците се и десет луѓе со лажни сириски пасоши, кои ги добиле од луѓето кои им продале документи на париските бомбаши.

Германските служби за безбедност знаат за постоењето на овие бегалци, но немаат информации каде во моментов се наоѓаат носителите на овие пасоши, бидејќи тие веќе ги напуштиле имиграциските центри. Потрагата по нив е комплицирана од фактот дека при влегување во Германија не им биле поништен отпечатоците.

Претходно германски медиуми се изјасниле дека борците од "Исламска држава" се занимаваат со продажба на сириски документи. Џихадистите се здобиле во Сирија, во контролирани од нив територии, со празни меморандуми за пасоши во кои со специјална опрема се вклопуваат потребните податоци и се додава слика. На црниот пазар таков сириски пасош чини од 1.000 до 1.500 долари.