Над 50% од Австријците ја поддржуват изградбата на ограда долж границата
Објавено во: Балкан 12 Декември, 2015
Големо мнозинство од австриските граѓани го поддржуваат поставувањето на ограда долж границата за да престане миграцискиот бран во земјата. Мнозинството најавува и за запирање на внесот на бегалци во Австрија.
Ова го покажуваат резултатите од последната анкета на Институтот за јавно мислење (ИМАС), кои беа обелоденети од австрискиот печат денес.
Повеќе од 50 отсто од Австријците го поддржуваат поставувањето на ограда долж границата со цел подобра контрола при влегувањето на бегалците во земјата. 85 отсто ја поддржуваат контролата на границите и воведувањето на квоти за распределбата на бегалците во земјите од Европската унија.
69% од Австријците не ја одобруваат сегашната политика на владејачките партии во Виена во однос на бегалците.
56 отсто од анкетираните сметаат дека ЕУ треба да се обиде да ги реши конфликтите во воените зони, вклучувајќи ако е потребно и воени средства.
62 отсто се изјасниле за запирање на превземањето на бегалци во Австрија. Само 3 отсто од Австријците се подготвени да ги прифатат бегалците во нивните домови за три месеци.
70% од учесниците во анкетата сметаат дека бегалците мора да добијат само привремен статус бегалец.