Над 700 бегалци биле спасени на Божиќ во Средоземното Море
Објавено во: Свет 26 Декември, 2015
Италијанската крајбрежна стража во петокот, 25 декември, спасила во Медитеранот 751 бегалци. Луѓето биле спасени во текот на шест одделни операции, пренесоа „УНИАН“.
Вкупно од почетокот на неделава во Италија се регистрирани над две илјади бегалци од Блискиот Исток и Северна Африка. Во овој период грчката крајбрежна стража преброила 12 илјади бегалци кои пристигнале во грчкото пристаниште Пиреја од Турција низ островите Лезбос, Хиос и Самос.
Исто така се истакнува дека во текот на ноќта во петок, 25 декември, над 180 Африканци успеале да ја преминат границата помеѓу Мароко и шпанската енклава Сеута, кој се наоѓа на брегот на Северна Африка.
Бегалците ја искористиле слабата стража во периодот на празниците.