Нафтата поевтини - цената се спушти под 70 долари
Објавено во: Економија 09 Ноември, 2018
По седум месеци за првпат цената на нафтата падна под 70 долари за барел.
Цената на суровата нафта „брент“ денеска се намали под 70 американски долари за барел, и ова се случува првпат после 10 април 2018 година.
Американскиот Стејт департмент во понеделникот ги обнови санкциите кон Иран.
Цената на нафтата според аналитичарите, продолжува да се намалува поради зголеменото производство во САД и Саудиска Арабија, но и поради помошта што САД им ја дава на некои земји со распределба на поефтино количество на нафта откако Вашингтон ги обнови санкциите кон Иран со ембарго на увоз на нафта од оваа земја.
Државиот секретар на САД, Мајк Помпео тогаш изјави дека санкциите нема да донесат никакви економски штети и дестабилизација на пазарот со нафта.
„САД им помага на Италија, Грција, Турција, Кина, Индија, Јапонија, Јужна Кореја и Тајван. Сите тие земји покажаа подготвеност да го намалат увозот на иранска нафта во последните шест месеци. А две земји целосно прекинаа со увоз на нафта од Иран и нема да го обноват се додека има санкции“, изјави Помпео во понеделеникот.
Цената на „фјучерси“ на нафта од декември (купопродажни договори за продажба на нафта кои треба да се реализираат во иднина) за американската „лесна“ нафта се намали до 60,13 долари за барел.
Русија и Саудиска Арабија треба да го намалат производството на нафта за најмалку 1 милион барели дневно при тековните пазарни услови.