НАЈАВЕНИ ЗА НОВА ГОДИНА И БОЖИЌ: Европски градови загрозени од нови напади!
Објавено во: Свет 27 Декември, 2015
Неименувана "пријателска" разузнавачка служба предупреди неколку градови во Европа за можни терористички напади.
Веста ја соопшти CNN, повикувајќи се на изјава на полицијата во Виена.
Нападите ќе вклучуваат експлозии и вооружени напади и се очекуваат во периодот меѓу Божиќ и Нова Година. Загрозените градови засега не се споменуваат.
Предупредувањето ги вклучува имињата на неколку потенцијални сторители кои виенската полиција ги истражила, но не успеала да дојде до повеќе конкретни информации.
"Ова наведување предвидува повисоко од сегашното ниво на опасност", вели вработен од полицијата во Виена.
Во одговор на предупредувањето полицијата во Виена и други градови во Европа ги зголемија мерките за безбедност и надзор на јавни места, особено при спроведувањето на важни настани и во зоните со зголемен сообраќај. Во полициската порака се вели дека меѓу предупредувачките мерки се вклучуваат и сеопфатни проверки, подготовка за брза реакција во вонредни ситуации и зголемена внимателност кон сомнителни куфери и чанти.
Француската национална полиција одби да го коментира предупредувањето, но изјавила дека повеќе од 48 илјади полицајци се ангажирани за безбедноста на места чувствителни кон тероризам од 19 декември до 4 јануари, а 2.000 нови полицајци ќе бидат ангажирани во следниот месец.
Владиниот портпарол за прашања на тероризмот во Белгија исто така одбил да ги коментира предупредувањата.