Најголема доверба во професорите и лекарите, најмала во судиите и цариниците

Добивај вести на Viber

Граѓаните најмногу им веруваат на професорите и лекарите, а најмалку на судиите и цариниците (36,5 проценти),  покажа истражувањето на Македонскиот центар за меѓународна соработка (МЦМС) спроведено по петти пат. Генерално расте довербата на граѓаните во повеќе институци како и општата доверба. „Таа сега изнесува 56 проценти и е за 5,4 процентни поени повисока во однос на слично истражување направено од Галуп во 2012 година. Степенот на доверба опаѓа со зголемување на дистанцата, па довербата во соседите изнесува 68 проценти се до 18,3 проценти кај непознатите. Сепак, сè уште мнозинство граѓани сметаа дека повеќето луѓе би се обиделе да ги искористат (55,3 отсто), наместо да постапат чесно (42,1 отсто),“ стои во соопштението од МЦМС. Исто така забележуваат од МЦМС, забележува расте довербата во граѓанскиот сектор и тоа 54,2 проценти. „Довербата во државниот сектор е битно зголемена (индексот изнесува 56 наспроти, 44,5 во 2010 година). Значителен е растот во образованието, здравството и полицијата, кои го презедоа приматот од Армијата, но и кај сите други државни институции има раст на довербата. Порастот е кај сите етнички заедници, но разликата главно се должи на порастот на довербата во државата кај етничките Албанци (од 16 проценти на 35,4 проценти), вклучително и во политичките партии“, се наведува во соопштението. Најголем раст има во довербата кај претседателот, од 37,5 проценти во 2010 г. на 56,8 проценти сега. Порастот е кај сите етнички групи и политички партии, освен кај симпатизерите на ДПА. Собранието има умерено зголемување (од 34,4 проценти на 41,9 проценти), а Владата од 36,8 проценти на 42,5 проценти. Намалена, но се уште мнозинска, како што посочуваат од МЦМС, е довербата во меѓународната заедница. Најмала доверба граѓаните имаат во судиите (43,1 проценти) и во цариниците (36,5 проценти). Истражувањето е спроведено од 31 мај до 21 јуни 2013 година, на репрезентативен примерок од 810 испитаници.