Не се чувствува како херој, но тој ја спаси малата Моника
Објавено во: Балкан 30 Декември, 2019
Не се чувствува како херој, но Емил Живиќ од Ниш е човекот кој ја спаси дванаесетгодишната Моника Каримановиќ, која ја грабна Нинослав Ковановиќ, познат како „Малчанскиот бербер“.
Моника беше најдена по девет дена интензивна полициска потрага. Тој во својата викендица во селото Пасјача ја пронајдеМоника.
Се плашел, но мило му е што детето е пронајдено.
„Не знаев дека тие се тука. Јас дојдов со синот да ја провериме викендицата, дали е сѐ во ред. Тој излезе од викендицата и син ми го препозна, а потоа и јас и тој почна да бега“, изјави Емил.
Нинослав Јовановиќ е познат на полицијата затоа што претходно бил во затвор за силување.Девојчето се опоравува во болница. Се појави и видео од куќата каде монструмот ја држел Моника.
Потрагата по Јовановиќ трае.
„Убедени сме дека многу бргу ќе го пронајдеме. Она што е очигледно од севкупната анализа на неговото однесување и движење во минатиот период е дека тој ова злосторство добро го испланирал и со денови, како што веќе претходно споменав во некои изјави, тој практично од Август се води како исчезнато лице, бидејќи неговите родители го пријавиле неговото исчезнување и очигледно тој ова време го користел на различни локации, добро да се подготви” – изјави директорот на српската полиција, Владимир Ребиќ.
Ребиќ вели дека осомничениот педофил најверојатно се крие во некоја од импровизираните скривници кои претходно ги подготвил, дел од нив и под земја. Се додека не биде пронајден и уапсен, нема да биде намален број на полицијците распоредени на терен, уверува директорот на српската полиција.
Каримановиќ исчезна во петок на 20-ти декември, на околу 500-тини метри од куќата, на патот кон училиштето.