Недела на штедење во Стопанска банка АД – Скопје

Добивај вести на Viber

По повод Меѓународниот ден на штедење, Стопанска банка АД – Скопје во периодот од 28 октомври до 2 ноември организира Недела на штедење во која клиентите кои ќе отворат нов орочен депозит „Мој план“ имаат на располагање специјална понуда. Имено каматните стапки на овие нови депозити ќе бидат зголемени за 0.5 пп за депозити во денари и 0.25 пп за депозити во евра во однос на редовните каматни стапки. „Со оваа активност, сакаме да им оддадеме почит на клиентите кои веќе знаат да штедат и да препознаат добра понуда за штедење како и на клиентите кои сакаат да почнат со оваа здрава навика од почеток. Имено „Мој план“ е орочен депозит кој овозможува неограничен број и износ на дополнителни вложувања за времетраењето на орочувањето на депозитот, без притоа да се разорочи депозитот или да се продолжи периодот на орочување. На овој начин континуирано и постепено се зголемува основниот влог. Со овие карактеристики и дополнителната зголемена каматна стапка, „Мој план“ е вистинскиот начин да се одбележи Меѓународниот ден на штедење“, соопштуваат од Стопанска банка и додаваат дека во секоја од филијалите стои на располагање на клиентите Советник за депозити кој може да им ги презентира производите на Банката и да им помогне во изборот на најсоодветниот начин на штедење. Стопанска банка АД – Скопје ги повика своите клиенти да не штедат на љубов и грижа и во претстојниот период и преку „На ваша страна“- Facebook страницата да испратат на децата во Клиниката за детски болести, Скопје пораки полни со љубов и желби за подобро здравје.