Недвижен имот се купува во време на криза-погледнете каде!

Добивај вести на Viber

Последниот извештај на консултантската компанија „Knight Frank“ за состојбата на пазарите во светот покажува колку точно е погодена Европа. Викендов Фактор објави дека цените на апартманите во блиското соседство паѓаат, денеска ги објавуваме 12-те најлоши европски пазари во делот на недвижниот имот во третиот квартал на 2012 година, а според извештајот на „Knight Frank“. 12.Италија Промена во цените на имотот на годишно ниво во третиот квартал: (-3.5%) Промена во последните 6 месеци: (-2.0%) Промена во последните три месеци: (-1.0%) Побарувачката на скап имот (со цена над 3 милиони евра) во земјата останува голема. Изградбата на скапи имоти е намалена за околу 20% од 2008 година. 11.Полска Промена во цените на имотот на годишно ниво во третиот квартал: (-4.6%) Промена во последните 6 месеци: (-2.5%) Промена во последните три месеци: (-2.2%) Инвестициите во комерцијални недвижности се забавуваат во првото полугодие, иако процентот на непродаден имот расте до 9.3%. Приближно 425 000 квадратни метри нов деловен простор се очекува да излезат на пазарот за недижности во Варшава до крајот на 2013 година. 10.Хрватска Промена во цените на имотот на годишно ниво во третиот квартал: (-5.2%) Промена во последните 6 месеци: (-3.3%) Промена во последните три месеци: (-1.9%) Имотниот пазар скокна од 4.7% до 18% од БДП во периодот 2000-2010 година. Цените на становите се очекува да паднат за 10% до крајот на 2012 година. 9.Данска Промена во цените на имотот на годишно ниво во третиот квартал: (-5.4%) Промена во последните 6 месеци: (+1.4%) Промена во последните три месеци: (+1.0%) Од Блумберг информираат дека пазарот има пад за околу 25% од врвот во 2007 година. Том Дорси од ММФ неодамна предупреди дека цените на куќите може да продолжат да паѓаат. 8.Унгарија Промена во цените на имотот на годишно ниво во третиот квартал: (-5.7%) Промена во последните 6 месеци: (-2.9%) Промена во последните три месеци: (+0.1%) Според Блумберг, бројот на трансакции бележи пад од околу 270 000 во врвот во 2003 година на само 90 000 во 2011 година. Ако се пресмета инфлацијата, цените на куќите во земјата се паднати за 30% во периодот 2008-2011 година. 7.Кипар Промена во цените на имотот на годишно ниво во третиот квартал: (-5.9%) Промена во последните 6 месеци: (-3.0%) Промена во последните три месеци: (+2.0%) Цените на имотот паѓаат за 12% од врвот во третото тримесечје од 2008 година па се до вториот квартал на 2011 година. Бројот на трансакции паѓа од над 21 000 во 2007 година до 7 018 во 2011 година. 6.Португалија Промена во цените на имотот на годишно ниво во третиот квартал: (-7.0%) Промена во последните 6 месеци: (-2.4%) Промена во последните три месеци: (-1.2%) Цените на скапи имоти во популарниот регион Алгарве паѓаат за 20% од врвот во 2007 година. Поради силата на швајцарските франци купувачите сега би купиле имот во Португалија за 35% поевтино. 5.Холандија Промена во цените на имотот на годишно ниво во третиот квартал: (-7.9%) Промена во последните 6 месеци: (-5.1%) Промена во последните три месеци: (-4.7%) Во Холандија живеат близу 17 милиони луѓе на територија едвај двапати поголема од Македонија, што секако ја ограничува понудата на имот. Од „Epoch Times“ информираат дека од таа причина банките применуваат многу слободен стандард при доделување на хипотекарни заеми. 4.Романија Промена во цените на имотот на годишно ниво во третиот квартал: (-8.9%) Промена во последните 6 месеци: (+3.1%) Промена во последните три месеци: (-0.6%) Понудата на нов канцелариски простор во Букурешт бележи пад од 70% на годишно ниво. Уделот на празен канцелариски простор се зголемил до 16% во првите шест месеци од годинава. 3.Шпанија Промена во цените на имотот на годишно ниво во третиот квартал: (-9.3%) Промена во последните 6 месеци: (-4.9%) Промена во последните три месеци: (-2.4%) Цените на имотот во земјата се паднати за 23% од првиот квартал на 2008 година. Околу 90% од непродадените имоти во Шпанија се по цена помеѓу 100 000 и 200 000 евра. 2.Ирска Промена во цените на имотот на годишно ниво во третиот квартал: (-9.6%) Промена во последните 6 месеци: (-0.5%) Промена во последните три месеци: (+1.5%) Северна Ирска беше погодена особено тешко, а цените на имотот во некои области паѓаат со 19.5% во последната година. Цените на становите пак паднаа за 22,7% во последните 12 месеци. 1.Грција Промена во цените на имотот на годишно ниво во третиот квартал: (-11.7%) Промена во последните 6 месеци: (-6.4%) Промена во последните три месеци: (-3.6%) Според „Greek Reporter“ продажбата на нови домови има пад за 80% во последните пет години. Цените на новоизградените станови се намалила значително и има пад за 13,5% од јули до септември.