НЕМА ПРОБЛЕМ ЗА МИНИМАЛЕЦ: Во АЕК се потрошиле за 18 отсто повеќе пари за плати
Објавено во: Економија 04 Април, 2025 07:50
Додека синдикалните организации се борат за минималната плата да изнесува 500 евра, примањата за вработените во регулаторните тела во државата ни од далеку немаат таков проблем, а особено тоа важи за Агенцијата за електронски комуникации која го регулира работењето на телекомуникациските оператори и фреквенциите.
Годишниот извештај за работата во 2024 наведува на тоа дека трошоците за вкалкулирани плати на вработените пораснале дури за 18,24 отсто за една година. Ако во 2023 биле поделени 163 милиони денари (2,67 милиони евра), во текот на минатата година за тоа биле издвоени 192,88 милиони денари (3,16 милиони евра).
Од вкупните приходи, 29,53 отсто биле искористени за исплата на плати и тоа е највисокиот трошок во билансот на работењето, пред издвојувањата за опрема од 153,5 милиони денари, или 23,51 проценти.
При тоа растот на платите се одвивал во услови на намалени годишни приходи за околу 20 милиони денари. Лани вкупната наплата била 10 милиони евра, а една година претходно таа била околу 10,5 милиони. Сепак, останале 630.000 евра непотрошени во позитивниот годишен биланс.
Инаку во трошокот за плати не влегуваат надоместоците за ангажманот на петчлената Комисија, која функционира како своевиден Управен одбор на АЕК. Се работи за петтемина избраници кои ги водат седниците и ги донесуваат одлуките, а за тоа се платени од посебна ставка.
За вработените во Агенцијата за електронски комуникации, кои ионака важат за едни од најплатените во земјата, според првичниот финансиски план за 2025, требаше нивните плати да се зголемат во просек за 20 отсто. За тоа за оваа година беа предвидени 242 милиони денари (безмалку 4 милиони евра) кај Регулаторот кој своето работење го финансира најмногу од телекомските оператори.
Владата рече дека новото раководство, односно новиот Управен одбор на Агенцијата за електронски комуникации добило задача да ја стопира одлуката за покачување на расходите за бруто плати за 20 проценти и, како што беше искажано, да ги активираат потребните механизми за тоа.Од власта рекоа дека станува збор за нов колективен договор пред да се избере новото раководство и дека тој да се прогласи за неважечки.
А.К.
Можеби ќе ве интересира
КОЛАПС ВО АВТОМОБИЛСКАТА ИНДУСТРИЈА: Заробени илјадници возила во американските пристаништа
ДОМАТИТЕ И КРАСТАВИЦИТЕ НОСАТ ДОБАР ЌАР, 2025 ИМ ТРГНА ОДЛИЧНО НА „ОРАНЖЕРИИ ХАМЗАЛИ“ - но, прашањето е како ќе заврши годината
ГЕРМАНСКА БАНКА ИЗДАДЕ ОПАСНО ПРЕДУПРЕДУВАЊЕ: Се заканува финансиска катаклизма каква што досега не сме почувствувале?
„НАМАЛУВАЊЕТО Е НАД 1.000 ДЕНАРИ, МОЖЕБИ И НАД 1.500“: Ристески објави дека се финализира просечна потрошувачка кошничка
ТРАМП ГИ ПАУЗИРАШЕ ЦАРИНИТЕ НА 90 ДЕНА - но Кина е исклучена, кон нив се зголемија на 125 отсто
ОДМАЗДАТА НА БРИСЕЛ: ЕУ му возвраќа на Трамп со марамчиња, машнички и женски неглижеа од Кентаки - еве кои производи се на листата
ЦЕНИТЕ НА СТАНОВИТЕ РИПНАЛЕ ЗА СКОРО 20 ПРОЦЕНТИ ЗА ЕДНА ГОДИНА - продолжува поскапувањето на имотите
ТАРИФНАТА ВОЈНА СЕ ВЖЕШТУВА: Европските земји ги увоија контрамерките - ЕУ удира врз Америка
Како до повеќе инвестиции во зелена енергија – Министерката Божиновска за амбициозните планови на Македонија на ЕСГ Адриа самитот во Тиват
