НЕТАНЈАХУ ПОПУШТИ ПОД СИЛНИОТ ПРИТИСОК: Ги одложува судските реформи кои ескалираа со протести
Објавено во: Свет 27 Март, 2023
Израелскиот
премиер Бенјамин Нетанјаху ќе ја одложи дебатата за контроверзната судска
реформа за следниот месец, објави партијата „Еврејска моќ“, членка на
владејачката коалиција.
Во соопштението се наведува дека за оваа точка ќе се расправа на следната седница на парламентот со цел „реформата да се донесе преку дијалог“.
Парламентот е затворен следната недела поради празникот Велигден.
Израелските медиуми претходно објавија дека владата разговарала за замрзнување на контроверзната планирана судска реформа откако во неделата вечерта избија масовни протести.
Десетици илјади луѓе се собраа во Тел Авив на протест затоа што Нетанјаху го отпушти министерот за одбрана Јоав Галант откако тој ја повика владата да ја прекине реформата. Протести се одржуваат секоја недела откако владата на Нетанјаху, една од најдесничарските во историјата на Израел, предложи реформски план за поделба во јануари.
Израелската синдикална организација Хистадрут денеска повика на генерален штрајк доколку Нетанјаху не објави дека се откажува од планираните реформи.
Нетанјаху преку Твитер ги повика демонстрантите и нивните противници да се воздржат од насилство.
ФОТО: ЕПА