Никој од „Иван Михајлов“ и „Цар Борис Трети“ не се пријавил за гласање на бугарските избори
Објавено во: Македонија 02 Април, 2023
Никој од членовите на бугарскиот културен клуб „Иван Михајлов“, кој во меѓувреме е избришан од регистарот, не се пријавил да гласа на избирачкото место во Битола за тековните парламентарни избори во Битола, објави Телма.
– Во избирачкиот одбор седеше и поранешниот началник на битолската полиција, Димитар Црномаров, но на списокот во Битола за гласање, го нема раководството на клубот Ванчо Михајлов кој неодамна е избришан од Централниот регистар. Од избирачкиот одбор велат дека гласањето се одвива без проблеми, објави Телма.
Според телевизијата, во Охрид иако никој не се пријавил за гласање, сепак отворено е избирачко место во седиштето на културниот центар во згаснување „Цар Борис Трети“.
Бидејќи сите запишани македонски Бугари не излегоа на гласање, Централната изборна комисија на Бугарија за првпат дозволи бугарски граѓани да гласаат дури и ако немаат никакви документи во моментот, туку само со пополнета изјава, која откако ќе се провери во бугарскиот конзулат ќе добијат уверение за да гласаат.