„НИТУ ОКУПАТОРИТЕ НЕ СЕ МЕШААТ ВО УСТАВ НА ОКУПИРАНАТА ДРЖАВА“: За Пендаровски барањето на Софија е скандалозно
Објавено во: Македонија 06 Април, 2023
Претседателот
Стево Пендаровски го оцени како скандалозно барањето од страна на Софија да
учествува во процесот на уставни измени на земјава.
-Барањето од Софија е скандалозно. Такви барања не упатуваат ниту окупаторите кон земјите, териториите или државите кои ги окупираат. Во 21-ви век е апсурдно непримерено да барате да се мешате во внатрешните политички и уставно-правни процеси на која било држава. И мислам дека во таа смила нашиот одговор преку МНР вчера беше на место, дециден е Пендаровски.
откако бугарскиот министер за надворешни работи Николај Милков вчера кажа дека Бугарија би сакала да биде вклучена и консултирана во постапката за впишување на Бугарите во Уставот на Северна Македонија, по што македонското МНР излезе со реакција дека дека процесот на уставни измени претставува внатрешно прашање на земјава, кое како обврска е поврзано со пристапните преговори за членство во ЕУ.
Во одговор на
новинарско прашање, вели дека концептот околу мнозинства и малцинства во
Република Северна Македонија е надминат, таа дебата е надмината и завршена со
Рамковниот договор во 2001 година.
-И во поранешна Југославија никогаш не сме употребувале термин „национални малцинства“ туку имаше „народи“ и „народности“. Зошто? За да не навредиме никого кој живее тука а е како бројка помалку од мнозинскиот народ. Мислам дека тоа е депласирана дебата и не треба да губиме време за тоа, вели Пендаровски.