„Њу момент“ најдобра маркетинг агенција во Европа

Добивај вести на Viber

Во конкуренција на 307 агенции од 26 држави, македонската маркетинг-агенција „Њу момент“ од Скопје е прогласена за најдобра агенција за 2013 година на „Голден драм“, најголемиот европски фестивал за адвертајзинг, во Порторож, Словенија. На предтижниот фестивал што веќе 20 години се одржува во Порторож, „Њу момент“ е прогласена за најуспешна, а освои пет Гран-при признанија и едно злато. „ На нашиот јубилеј, 20 години од формирање на агенцијата, докажавме дека можеме рамноправно да се натпреваруваме со најдобрите од Европа и од светот. Докажавме дека адвертајзингот нема само комерцијална, туку и уметничка и општествено корисна функција. Ова е успех за целата креативна индустрија во Македонија“,  изјави директорот и партнер на „Њу момент“, Сашо Пешев. Кампањата „Заедничка молитва – 10 метри одвоени“  освои четири Гран-при статуетки во категориите: нови и иновативни кампањи, најдобар настан, најдобра радио-кампања и бренд на годината. Кампањата за годинашниот Скопски џез-фестивал освои Гран-при за најдобар дизајн и злато за најдобра кампања во надворешното огласување. Регионалниот креативен директор, Душан Дракалски, на фестивалот ја доби специјалната награда Златен часовник, за најнаградуваната кампања на фестивалот „Заедничка молитва“ од проектот за соживот на Владата. Агенцијата во јуни со кампањата „Заедничка молитва“ го освои и Титаниумскиот лав на фестивалот на креативноста во Кан.