НЛБ месец на штедење

Добивај вести на Viber

Почетокот на НЛБ месецот на штедење НЛБ Тутунска банка го означи со организација на НЛБ Ден на тема штедење. На овој ден сите банки членки на НЛБ Групацијата заеднички настапија со организирани промотивни активности. Со НЛБ денот во НЛБ Тутунска банка започна месецот на штедење. НЛБ денот беше означен преку организација на централен настан во Дирекцијата на Банката и преку промотивни активности во сите експозитури на Банката. На НЛБ денот учествуваа деца од различни основни училишта, за кои беше организирана посебна забавна и едукативна програма на тема штедење со претстава, квиз, делење подароци и цртање. Собраните цртежи ќе учествуваат на завршната голема изложба на Банката на крајот на месецот на штедење. Во текот на НЛБ месецот на штедење во периодот од 25.09.2013 до 25.10.2013 ќе бидат организирани 2типа на активности: -       Собирање на цртежи или пишани творби на тема штедење - Сите клиенти ќе имаат можност да нацртаат цртеж или да напишат творба (совети за штедење, слогани и стихотворби) на тема штедење. Цртежите и пишаните творби ќе може самите да ги постават на посебна веб страна за таа намена: http://stedenje.nlbtb.com.mk или да ги донесат во било која експозитура на Банката. -       Замена на стари касички со нови – Сите клиенти кои имаат било каква касичка ќе имаат можност да ја заменат со нова, а старите касички ќе учествуваат во големата изложба на Банката. По завршување на НЛБ месецот на штедење ќе биде организирана голема изложба на сите цртежи, пишани творби и касички кои ќе бидат собрани во текот на кампањата. Најдобрите  цртежи / пишани творби кои ќе добијат најголем број на гласови преку веб страната http://stedenje.nlbtb.com.mk и оние кои ќе бидат избрани од страна на посебна комисија составена од реномирани македонски уметници ќе бидат наградени со парична награда.