Нова масовна гробница е најдена во Мариупол
Објавено во: Свет 26 Април, 2022
Уште една, трета по ред масовна гробница е најдена во украинскиот град Мариупол.
Ова го соопштија градските власти.
„Третата масовна гробница е пронајдена во близина на Мариупол. Покрај масовните гробници откриени во селата Манѓуш и Винохрадна, „сега гледаме дека има уште една“, изјави денеска градоначалникот Вадим Боиченко за украинската телевизија, пренесува Си-Ен-Ен.
Боиченко повтори дека околу 20.000 жители на Мариупол загинале од почетокот на инвазијата. Тој кажа дека руската артилерија ја гранатира Азовстал, фабриката за челик каде што има украински војници и цивили. Петро Андриушченко, советник на градоначалникот на Мариупол, во четвртокот во Телеграм објави информација за масовната гробница во Манхуш. Русија пред повеќе од два месеци ја почна војната во Украина. Примирје немаше ни за Велигден.
Лидерот на Доњецката Народна Република (ДНР), Денис Пушилин, информира дека украинските војници заробени во фабриката за челик „Азовстал“ во Мариупол прифаќаат да се предадат, но бараат да бидат евакуирани во Турција.
foto EPA/ MAXAR TECHNOLOGIES HANDOUT