Добивај вести на Viber
Од ноќеска на полноќ започнуваат да важат нови цени за нафтените деривати, одлучи Регулаторната комисија за енергетика. Согласно пресметките на регулаторот, цените на бензините се намалуваат за денар и половина.
Така, новите цени на ЕУРОСУПЕР-95 и ЕУРОСУПЕР-98 ќе изнесуваат 78.50, односно 80.00 денари за литар.
Наспроти ова, дизелот поскапува за половина денар, па литар ЕУРОДИЗЕЛ ќе се продава по цена од 67.50 денари.
Овие цени на нафтените деривати се формираат врз основа на цената на нафтата на светскиот пазар и курсот на доларот. Ќе важат во следните две недели.