Нови правила за невработените, се одвојуваат оние кои активно барале работа

Добивај вести на Viber

Министерството за труд и социјална политика работи на измени на Законот за евиденциите од областа на трудот, со што невработените кои активно бараат работа че бидат издвоени од останатите кои се пријавуваат во Агенцијата за вработување. „Со донесените измени се воспоставуваат две евиденции. Евиденција на невработени лица кои активно бараат работа и евиденција на други лица што бараат работа. Ова се прави со цел да се даде поголем акцент и внимание на невработените лица кои активно бараат работа, со идентификување на нивните потреби соодветно на нивните знаења и вештини преку подготовка на индивидуален план за вработување, што ќе го подготвува Агенцијата за вработување“, изјави министерот за труд и социјална политика, Спиро Ристовски. Во постапка на донесување на Посебен правилник со кој поконкретно се регулираат прашањата за видовите на евиденциите  на невработените, како и содржината и начинот на воспоставувањето и водењето на регистрите, соопшти министерот и додаде дека сепак ниту едно невработено лице нема да биде избришано и да ги изгуби правата стекнати по основ на невработеност. Новиот начин на едиденција на невработените ќе почне да се применуваат од 23 декември годинава, со што ќе почне и обврската за пререгистрирање на евидентираните лица согласно со новите видови евиденција. „При пријавувањето во Агенцијата за вработување во рамките на рокот утврден со закон лицата ќе пополнуваат посебен образец во кој се наведени основните податоци и барање на невработните лице во врска со барањето на работата. Граѓаните треба да се произнесат во која евиденција сакаат да бидат евидентирани, а соодветно на тоа ќе се подготви посебен индивидуален план за вработување“, изјави Министерот.