Ново име и лого за „Кјуби Македонија“

Ова е направено поради тоа што беше купена, со аквизицијата вредна 21,6 милиони евра,  од „Виена Иншуренс Груп"(Vienna Insurance Group (VIG), групацијата која е нов сопственик на додегашната Кјуби Македонија. Покрај новото име се менува и логото. Тоа, според претставниците на компанијата ќе биде спој на две те главни вредности- долгогодишното искуство и познавањето на осигурувањето од македонскиот бренд од една страна и динамичноста и со меѓународното искуство и знаење на „Виена Иншуренс Груп" од друга страна. „Убеден сум дека промените во компанијата ќе придонесат за понатамошен одржлив развој на „Осигурување Македонија“. Нашите клиенти можат да се потпрат на цврст осигурувач што поседува докажана стабилност, финансиска безбедност и професионална стручност низ својата долга историја. Засилени од професионалниот капацитет на „Виена иншуренс груп" ние ќе продолжиме во таа насока", вели Бошко Андов, генерален менаџер на компанијата во денешното соопштение до медиумите. Според него, клиентите и понатаму ќе можат да се потпрат на цврст осигурувач сега засилен и од професионалниот капацитет на „Виена иншуренс груп“ . Досегашната „Кјуби Македонија“ работи веќе 68 години, а основана е во 1945 година како Државен осигурителен завод.