Нудат бесплатен оброк за сиромашни, но има еден услов
Објавено во: Стил 30 Ноември, 2018
Ресторан во Јапонија нуди бесплатна храна за сиромашните.
Ресторанот „Мираи Шокудо“ во Токио нуди бесплатен оброк за сиромашните граѓани кои не можат да платат оброк во ресторанот. Сопственичката Секаи Кобајаши им нуди оброк на луѓе кои не можат да го платат, а за возврат тие работат 50 минути во ресторанот. Така, вели дека се поврзува со гладните.
Досега во ресторанот работеле околу 500 луѓе кои по педесет минути работа добивале купон за оброк. Просечниот оброк во ресторанот чини околу 7 евра.
Но, тие не се први со оваа идеја.
Слична услуга нуди и ресторанот „ Ѓоза Не Ошо“ во Кјото, кој им нуди оброци на студентите во замена за миење садови во кујната.