Нуредини: Греењето на домаќинствата е најголем проблем, инвертерите не се решение за загадувањето
Објавено во: Македонија 28 Октомври, 2020
Загдувањето на воздухот драматично се зголемува помеѓу 16 и 17 часот попладне и навечер после 22 часот, вели министерот за животна средина и просторно планирање Насер Нуредини. Дециден е дека во тој период најголем ефект на загадувањето имаат граѓаните односно начините на кои тие се греат. Сепак министерот рече дека и индустријата има влијание и вели дека во иднина се потребни повеќе контроли.
„ Во тоа време граѓаните се враќаат дома и го вклучуваат греењето, но тоа не се само домовите на луѓето, туку и други објекти во државата, а потоа имаме и воздушен притисок. Значи, една од причините, за жал, е греењето во нашите објекти и домови. Друга причина дефинитивно е индустријата што треба да се контролира, и можеби треба да има поригорозни контроли во иднина“, рече Нуредини за ТВ21
Тој смета дека инвертер климите не се целосно решение за решавање на проблемите со загадување на воздухот.
„Имаме подобрување, но нема да биде нешто драстично и мислам дека треба да бидеме свесни за тоа. Со инвертерите има подобрување, но тоа не е решение“, вели Нуредини.