ОБВИНУВАЊА ОД ВМРО-ДПМНЕ: СДСМ упорно турка избори на штета на здравјето на граѓаните
Објавено во: Македонија 17 Мај, 2020
Заев и Филипче упорно работат на штета на здравјето на граѓаните, со тоа
што туркаат избори за да се заштитат од изборен пораз, обвинува денеска
опозициската ВМРО-ДПМНЕ. И покрај тоа што здравствените експерти оценуваат дека
состојбата со епидемијата наскоро нема да се подобри, владејачката СДСМ сака
брзи избори, нагласуваат од партијата.
ВМРО-ДПМНЕ наведува дека власта единствено се грижи за сопствениот интерес и лично богатење.
Само вчера беа детектирани 22 новозаболени, а еден наш сограѓанин почина заради корона вирусот. Бројките покажуваат дека Филипче по диктат од неговиот шеф Заев не прави доволно тестирања само за да не ја прикаже вистинската слика во Република Македонија. Но, факт е дека бројот на инфицирани лица од корона вирусот во државата и понатаму расте, пишува во соопштението на ВМРО-ДПМНЕ, од каде додаваат дека земјава има рекорден број смртни случаи во споредба со останатите земји во регионот