Од 14 декември се намалува прагот за алармирање на загаден воздух
Објавено во: Македонија 10 Декември, 2021
Министерството за животна средина информира дека од 14 декември се намалува прагот на алармирање на РМ10 во воздухот.
- Во согласност со Уредба за изменување и дополнување на Уредбата за гранични вредности за нивоа и видови на загадувачки супстанции во амбиентниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели (Службен весник на Република Македонија бр. 183 од 14.12.2017 година) во која е дефиниран прагот на алармирање на суспендирани честички со големина до 10 микрометри, Ве информираме дека од 14 декември 2021 година, прагот на алармирање на РМ10 се намалува од 163 μg/m3 и истиот изнесува 150 μg/m3 среднодневна концентрација во текот на 2 последователни дена и добиена прогноза за стабилна временска состојба во наредниот период, се вели во соопштението на министерството.
Од таму додаваат дека, според уредбата, прагот на алармирање од 150 μg/m3 понатаму нема да се менува, односно да се намалува.